admin
18-12-2005, 11:48 AM
حركت السيارة ومشيت في الشارع بس أشوى مافيه احد يشوفني وأنا ماني مصدقه اللي أنا فيه فجأة طلع قدامي قطو غرف عقلي فرملت بسرعة بغيت أجيب العيد في الرصيف لقيت مع الشارع الفرعي وطلعت الشارع العام وقلت هنا التحدي مرت جنبي سيارات كثيرة فيها شباب يناظروني ويمشون وما اهتموا وكأنهم ما شافوني وشكلهم رادين بي قلت غريبة اجل ليش أخواني يقولون إن الشباب لو شافوا البنات يسوقون السيارات في الشوارع يجيبون لهم المشاكل في الأخير صار الموضوع عادي. طلعت من شارع ودخلت شارع ثاني قلت الله مافيه زحمة يا ريت الشوارع كذا دايم فاضيه. وصلت عند أول أشارة وما لقيت عندها احد قطعت الإشارة ومشيت وقعدت أدور في سيارة أبوي على أي شريط اشغله مالقيت قلت مافيه الااف أم قعدت أدور على الاذاعه ولكن شكل كل الإذاعات في سيارة أبوي تنام معاه وكل افرفر في الموجات القاهه توشوش وبعدين اطلعت ورأي سيارة تكبس لي من بعيد ولما وصلت عندي هدأت ونزلت القز ازه وناظرت لقيته اخوي خالد ياويلي رحت فيها قال نوف ماشاء الله وش جابك بها الشارع..؟ تشجعت وقلت له: جيت أتمشى زي ماتتمشون وإلا انتوا يالشباب تطلعون واحنا يالبنات لاقال بالعكس خذي راحتك عموما إذا رايح البيت بس انتبهي لا تتأخري باي سي يو طيرت عيوني فيه وآنا ماني مصدقه وقلت طيب ليش اجل يتوعدني ويقول انه يذبحني لو شافني أسوق السيارة طالت فيني الهواجيس حتى وصلت عند كبري توني بدعس على البنزين وبدز مرت جنبي سيارة مسرعه قاشعة عداد الطبلون وبغت تصدمني وقلت ياسلام هي أرواح الناس صارت رخيصة عنده ... طيب! والله لا خليه يندم ويبطل يسوق سيارة دعست على البنزين بسرعة ابغي ألحقه وآنا حاط رجلي على البنزين إلا فجأة السيارة تصدم في الحاجز الكبير بقوه وألقى نفسي انقز من الطاقة السيارة وآنا قلبي يدق وقلت ياويلي الحين بموت وأهلي مايدرون عني وماحسيت بنفسي إلا وآنا أطيح من على السرير ومير أقوم وآنا أقول: أعوذ بالله أشوى انه حلم!! واسمع أمي تطق باب الغرفة وتقول: نوف... نوف أنت نايمه ماشفتي مفاتيح سيارة أبوك, وآنا ساكتة ماادري وش أقول لأن المفاتيح للحين بيدي؟